INIKA
94 428 01 46
info@ibarrekolanda.net
Egutegia
Intranet
Harremanetarako
Matrikula

Jantokia

Ibarrekolanda BHIk jantoki zerbitzu publikoa eskaintzen du DBHko ikasleentzat. Jantokiak txanda bakarra du, irailetik ekainera bitartean, astelehenetik ostiralera, 14:00etatik 14:30ak arte.

Arantza Larrinaga INFO
ARDURADUNA

arantza.larrinaga@ibarrekolanda.net

Nieves Galán INFO
OFFICE-KO ARDURADUNA
GASCA INFO
ENPRESA HORNITZAILEA

Menuak deskargatzeko

ALTA/BAJA EMATEA

Alta edo baja eman nahi duen familiak astebeteko epearekin abisatu beharko dio arduradunari.

Aurreko ikasturtean jantokia erabili izanak ez du hurrengorako plaza izateko eskubiderik ematen. Horregatik, ekainaren amaieran inkesta bat bidaliko da hurrengo ikasturterako jangelako plaza gordetzeko. Arduradunari ere jakinarazi ahal izango zaio posta elektronikoz, edo ikasle berrien kasuan, matrikulatzean.

BERTARATZEA

Jantoki-zerbitzura huts eginez gero, horren arduradunari jakinarazi beharko zaio, ahal dela aldez aurretik jakinarazita eta ondoren idatziz justifikatuta.

Familiaren batek bere seme-alaba jantokiko zerbitzura ez etortzea erabakitzen badu, 5 egun edo gehiagoko aurrerapenarekin abisatu beharko dio jantokiko-arduradunari.

Jantokiaren arauak

Ikaslea alergikoa bada edo tratamendu berezi bat edo janari erregimen jakin bat jarraitu behar badu, arduradunari esan behar dio idatziz, behar den bezala sinatuta eta justifikatuta (agiri medikoa) eta arrazoia argiro zehaztuz.
Menuak hilero jakinaraziko dira. Aurten menuak hornitzen duen enpresa Gasca da.
Jantokiaren ordutegi barruan DEBEKATUTA dago esparru eskolarretik ateratzea.Bazkaria amaituta ikasleak etxeetara joan daitezke ,arratsaldez klaserik ez badago.
Jantokian ikasleek zentroko arau orokorrak jarraitu behar dituzte.
Jantokitik ezin da janaria atera.

Bazkaltzeko orduan

Erretiluak janariarekin mostradorean hartuko dituzte ikasleek. Edalontziak, mahai-tresnak eta musu-zapiak hartuko dituzte ondoren eta dagokien lekuan eseriko dira mahaian.
Ura mahaian dauden pitxerretatik hartuko dute.
Bukatutakoan, ikasle bakoitzak janari hondakinak zakarrontzian hustu eta seinalatutako lekuan utziko du bere erretilua.
Jantokian egon bitartean ikasleek jokaera egokia izan behar dute, arauak errespetatu, zaratarik edo oihurik ez egin eta ez dira, inolaz ere, mahai-tresnekin edo janariarekin jolastu.

Euskal Herriko ikastetxe publikoa

2024 Ibarrekolanda BHI