Indartze eskolak eta hainbat tailer arratsaldeetan.
Irakasgai hau ahots-teknikaren eta kantu koralaren garapenean oinarritzen da. Horretarako, kantu-teknika espezifikoak eta praktika korala lantzen dira. Ikasleek arnasketa-teknikak, ahots-proiekzioa eta soinu-kontrola landuko dituzte. Gainera, musika-lanen adierazpenean eta interpretazioan zentratzen da, ahots- eta gorputz-adierazpena uztartuz. Era berean, ahozko musikarekin lotutako ikus-entzunezko proiektuen sorkuntza jorratzen da. Irakasgai hau aukeratzeko ez da beharrezkoa abesten jakitea, ezta ahots berezia izatea ere. Ahots-teknika klaseetan eskuratuko da. Hala ere, melodia bat modu ezagungarri batean abesteko moduko gutxieneko belarri musikala izan behar da.
